Receta gatimi për bebe 7 muajshe ( pure me peshk, kalë, patate dhe mollë)

2018-02-12 në ora 20:37

Peshku është shumë i rëndësishëm për dietën e vogëlushit tuaj sepse është i pasur me omega 3, një yndyrë që ndihmon në zhvillimin e trurit.

Për këtë arsye është e rëndësishme të gjeni mënyrën më të mirë për t’ja ofruar peshkun vogëlushit tuaj. Ndaj ne ju prezantojmë këtë pure me kale ,patate, peshk dhe mollë për t’i dhënë një ëmbëlsi të lehtë kësaj recete.

Përbërësit:

⦁ 1 gjethe kale;
⦁ 3 patate të vogla;
⦁ ½ mollë të ëmbël;
⦁ ½ fileto peshku të qëruar.

Përgatitja:

1. Në fillim lani kalen, qëroni patatet dhe pritini të gjitha në copa-copa.
2. Në një enë me ujë, filloni të zieni kalen.
3. Pas 5 minutash shtoni patatet, mollën dhe fileton e peshkut.
4. Lërini në zjarr të ziejnë derisa patatet të jenë zbutur.
5. Pas kësaj, i hiqni nga zjarri dhe i lini të ftohen për 5 minuta.
6. Kalojini në blender dhe bëjini pure për 2 minuta.
7. Nëse pureja del shumë e trashë mund të shtoni pak nga ujë që përdorët për gatimin, deri sa të marrë trajtën (dëndësinë) e dëshiruar./Pernenat.al/