Shumë studime janë kryer mbi efektin e ushqimit të shëndetshëm në jetën e fëmijëve.
Këtë temë e ka prekur edhe mamia Razije Musa në postimin e saj të fundit, shkruan Gazeta Shneta.
Ajo ka bërë thirrje për prindërit që të tentojnë të bëjnë zgjedhje më të mençura kur vie puna tek ushqimi i fëmijëve të tyre.
“Shumica e prindërve sot ankohen se për shkak të jetës dinamike e kanë të vështirë t’i futin fëmijët në një sistem të jetesës së shëndetshme. Kur dëgjoj arsyetimet e mungesës së kohës unë gjithmonë ju them se është me rëndësi që fëmijëve të ju servoni ushqime me vlera ushqyese edhe atëherë kur nuk keni kohë për të përgatitur diçka, mund të jetë ndonjë sallatë e shpejtë frutash apo perimesh, mund të jetë bukë integrale me kos, mund të jetë ndonjë patate e zier apo e pjekur e shoqëruar me pak djath, një vezë e zier e shumë opsione të tjera”, ka shkruar ajo.
Sipas Musës, fëmijët duhet t’i shmangin në çdo rast pijet e gazuara, ushqimet e proceduara dhe ato me shumë sheqer e yndyrna të pashëndetshme.
Nëse fëmijët do të rrite me shprehi të mira të të ushqyerit ata në të ardhmen do të kenë prirje për t’u kujdesur për ushqimin edhe pasi të arrijnë pjekurinë. Ushqimi i shëndetshëm I ndihmon ata që po ashtu të kenë një shëndet të mirë dhe performancë akademike në jetën e mëvonshme.
Po poshtë, mamia Razije ka renditur 3 nga arsyet kryesore se përse një dietë e zgjedhur përmirëson jetën e të vegjëlve:
– Zhvillimi i trurit duke ndikuar drejtpërdrejtë në performancë më të mirë të fëmijës.
– Rritja fizike në përputhje me moshën .
– Pranimi i hershëm i zakoneve të shëndetshme të ushqyerit dhe ngritja e vetëdijes së fëmijës mbi vlerat e produkteve që i konsumon./GazetaShneta/