Pas lindjes së fëmijës të gjitha nënat e reja përjetojnë rënie të flokëve, por disa humbasin më shumë flokë se të tjerat. Ka një arsye pse ndodhë kjo!
Gjatë shtatzënisë, ndryshimet në nivelin e hormoneve bëjnë që flokët tuaj të qëndrojnë në një fazë pushimi më të gjatë, kështu që ju humbni më pak flokë në bazë ditore.
Pasi të keni lindur dhe hormonet tuaja të jenë qetësuar – zakonisht rreth 12 javë pas lindjes – do të ndodhë një ndërrim flokësh. Mund të alarmoheni kur shihni flokët që ju bien me grushte. Normalisht, ju humbisni rreth 100-125 qime në ditë, por pas lindjes, mund të humbni rreth 500 në ditë.
Kjo mund të jetë shumë shqetësuese, por përpiquni të mos shqetësoheni shumë, nuk do të bëheni tullace! Nuk mund të bëni ndonjë gjë të madhe në lidhje me rënien, përveçse të keni durim.
Rënia bëhet më e dukshme kur ju jeni duke i shkumuar ose krehur flokët, kështu që mund të gjeni si zgjidhje t’i shkumoni më pak ose t’i lini të thahen natyrshëm në vend që t’i thani me furçë dhe tharëse.
Brenda gjashtë muajve , flokët tuaj do të kthehen në trashësinë normale të para-shtatzënisë, por mund të vëreni se cilësia e flokëve tuaj nuk është saktësisht e njëjtë. Ato mund të jenë më të dredhura ose më të drejta, ose më të thatë ose më me yndyrë, sesa para shtatzënisë.
Kjo ndodh për shkak të trazirave hormonale që keni kaluar. Nëse humbja e flokëve nuk duket të jetë ngadalësuar edhe ju po humbisni shumë flokë pas gjashtë apo më shumë muajve pas lindjes, kontrollohuni te një dermatolog ose mjeku i familjes.
Kjo mund të jetë një shenjë që keni nevojë për më shumë hekur, që nuk është krejt e pazakontë për nënat e reja. / Gazeta Shneta