Me pak vaj ulliri dhe uthull molle mund t’u ktheni shkëlqimin mobilieve të vjetra prej druri. Vaji i ullirit i kthen shkëlqimin sipërfaqeve dhe krijon një shtresë mbrojtëse kundër pluhurit. Ndërsa uthulla e mollës ka një efekt dezinfektues, i cili siguron një pastrim perfekt.
Me vetëm gjysmë filxhani vaj ulliri dhe çerek filxhani uthull molle, mobiliet tuaja do të shkëlqejnë.
Përziejini përbërësit mirë. Më pas merrni një peshqir të pastër, e njomni në solucionin e përgatitur dhe fërkoni me kujdes mobiliet prej druri.
Në vend të uthullës së mollës mund të përdorni edhe lëng limoni.