Festat e fundvitit nuk sjellin vetëm gëzim, por edhe një rritje të ndjeshme të emergjencave kardiake. Sipas të dhënave nga American Medical Response, rastet e urgjencave për zemër rriten deri në 30% në vigjilje të Krishtlindjeve.
Ekspertët shpjegojnë se faktorët kryesorë për këtë rritje janë mbingrënia, konsumimi i tepërt i alkoolit, stresi emocional nga takimet familjare dhe temperaturat e ftohta që e detyrojnë zemrën të punojë më shumë.
Shumë njerëz gjithashtu shtyjnë kërkimin e ndihmës mjekësore për të mos ndërprerë festimet, shkruan MedicalXpress transmeton Gazeta Shneta.
Simptomat paralajmëruese për sulme në zemër përfshijnë dhimbje në gjoks, shpinë, qafë, nofull ose stomak, vështirësi në frymëmarrje, djersë të ftohtë, marramendje dhe lodhje të pazakontë. Mjekët këshillojnë që nëse shfaqen këto shenja, të kërkohet ndihmë mjekësore menjëherë dhe të mos prishet koha duke vozitur vetë.
Si masa parandaluese, ekspertët rekomandojnë të ushqehemi dhe pimë me moderim, të qëndrojmë të hidratuar, të marrim medikamentet e rregullta dhe të ngrohim trupin para aktiviteteve në ftohtësi. Sidoqoftë, momentet e kënaqësisë dhe të qeshurës gjatë festave ndihmojnë në zgjerimin e enëve të gjakut dhe lehtësimin e presionit mbi zemër.
“Festat mund të jenë të gëzueshme dhe të shëndetshme për zemrën nëse i kushtojmë vëmendje trupit tonë,” theksojnë ekspertët./Gazeta Shneta/