Gratë që i janë nënshtruar operacionit bariatrik kanë shtim më të ulët në peshë gjatë shtatzënisë, sipas një studimi të publikuar më 5 dhjetor në revistën “JAMA Network Open”.
Dr. Huiling Xu nga Instituti Karolinska në Stokholm dhe kolegët krahasuan shtimin e peshës gjatë shtatzënisë midis grave me një histori të kirurgjisë bariatrike kundrejt atyre pa një histori të kësaj kirurgjie, shkruan burimi Health Day përcjell Gazeta Shneta.
Studiuesit zbuluan se gratë me një histori të kirurgjisë bariatrike kishin shtim më të ulët të peshës së shtatzënisë sesa grupi i kontrollit.
Kirurgjia bariatrike është një grupim i të gjitha llojeve të procedurave që përfshijnë ndryshimet kirurgjikale të traktit digjestiv me qëllim uljen e peshës trupore.
“Shtimi në peshë gjatë shtatzënisë është më i ulët te gratë me një histori të kirurgjisë bariatrike krahasuar me ato pa një gjendje të tillë, veçanërisht kur intervali nga operacioni deri në konceptim është më i shkurtër”, shkruajnë autorët. /Gazeta Shneta/