Nuk ka një numër të caktuar për të kufizuar lindjen cezariane. Por dihet që sa më shumë ndërhyrje të bëhen, aq më shumë zgjatet koha operative dhe aq më shumë komplikime do të shfaqen.
Çdo ndërhyrje sjell formimin e ngjitjeve ndërmjet organeve në hapësirën e barkut.
Ngjitjet bëhen burim dhembjesh pasi pengojnë lëvizjen e organeve të brendshme dhe në të njëjtën kohë mund të bëhen burim infertitliteti, transmeton Gazeta Shneta.
Gjithashtu, lindjet e shumta të kësaj kategorie rrisin mundësitë për të dëmtuar fshikëzën e urinës ose zorrët. E rrezikuar është gjithashtu edhe vendosja si duhet e placentës në barrën pasardhëse, insertimi dhe lidhja e saj me muskulin e mitrës.
Prandaj, pas çdo lindjeje me operacion, është e këshilluar dhe e mundur lindja në rrugë natyrale nëse nuk ka probleme serioze të shtatzënisë pasuese. /Gazeta Shneta/