Ritmi i gjumit dhe nevojat tek fëmijët janë relative, gjegjësisht ndryshojnë në secilin fëmijë.
Gjithsesi, rëndësi të madhe ka rutina e vazhdueshme, të ushqyerit e rregullt, koha e rregullt e gjumit apo edhe aktivitetet tjera. Ju ftohet që kujdesi të jetë edhe personal; edhe ju të hani, të pini e të kryeni aktivitete të tjera periodike në mënyrë të rregullt, transmeton Gazeta Shneta.
Javët e para të jetës
Në këto javë, duket se foshnja juaj fle gati tërë ditën, më saktësisht 18 orë në ditë me ndonjë ndërprerje 4 orëshe – fazë kjo që shfrytëzohen plotësimi i nevojave të foshnjës.
Në 4 deri në 6 muajt e parë
Gjatë këtyre muajve, foshnja mëson ta bëjë dallimin në mes ditës dhe natës. Me kalimin e kohës, periudhat e shpeshta të gjumit, kalojnë në ato të gjata.
Në 6 deri 12 muaj
Në këtë periudhë, përgjithësisht fëmijët flenë natën përreth 11 orë dhe në mesditë 2 her nga një orë apo një orë e gjysmë.
Disa prindër në mënyrë të pavullnetshme e zgjojnë foshnjen që ta ushqejnë, pasi mendojnë se trupi i tyre ka nevojë për gjumë. Më mirë është që foshnja gjatë ditës të bëj zhurmë se sa natën, të kërkojë argëtim e bisedim me juve, pasi që të është ngopur me gjumë. Shfrytëzoni fazën e zgjimit gjatë ditës në të cilën ju do të merreni me të intensivisht.
Mosha 3 vjeçare
Sa më shumë që të rriten fëmijët, aq më shumë do reduktohet edhe orari i gjumit. Në këtë moshë, fëmijët flenë tashmë vetëm 12 orë, kryesisht gjatë natës.
Grupmoshat e veçanta
Mosha për sa gjumë në ditë ka nevojë fëmija juaj (24 orë)
I porsalindur 16 deri në 20 orë
3 javë 16 deri në 18 orë
6 javësh 15 deri në 16 orë
4 muajsh 9 deri në 12 orë natën dhe 2 sy gjumë (secili nga 2 – 3 orë)
6 muajsh rreth 11 orë natën dhe 2 sy gjumë (secili nga 1-1,5 orë)/Gazeta Shneta/