Nëse jeni duke ushqyer fëmijën me gji dhe ndërkohë po filloni t’i jepni ushqimet e para sasia e qumështit që do të fillojë të marrë do jetë më e vogël. Edhe kur fëmija është 6 muajsh nuk ka arsye për të ndaluar ushqyerjen me gji. Ju mund ta mbani për aq kohë sa ta shikoni të arsyeshme në mënyrë që ai t’i shijojë të gjitha përfitimet e qumeshtit të gjrit.
Ju nuk e masni dot sasinë e qumeshtit që fëmija po merr
Kur fillon dhe nis konsumimin e ushqimeve të ngurta aty kupton dhe rëndësinë që ka qumështi i gjirit. Por sigurisht që oreksi i fëmijës mund të ndryshojë nga dita në ditë. Kështu që ai mund të dëshirojë të pijë gji edhe pasi ka konsumuar një vakt.
Ekspertët rekomandojnë që të gjithë fëmijët që ushqehen me gji të kenë një shtesë të përditshme të vitaminës D prej 8.5 deri në 10 mikrogramë (mcg) që nga lindja. Nuk është se qumështi i gjirit ka mungesë të vitaminës D. Por është e vështirë që fëmija ta sigurojë këtë vitaminë gjatë gjithë vitit.
Vitamina D është e rëndësishme për rritjen e kockave dhe dhëmbëve të shëndetshëm. Nëse fëmija juaj është ushqyer me qumësht formulë, sasia minimale që duhet të marrë nga ky qumësht kur ka filluar dhe konsumimin e ushqimeve të ngurta është 500ml deri në 600ml në ditë.
Për sa kohë që fëmija juaj ka konsumuar 500ml qumësht formulë nuk ka nevojë për vitaminë D. Pas një viti, fëmija ka nevojë vetëm për 350ml qumësht në ditë. Nga kjo moshë, të gjithë fëmijët dhe të rriturit kanë nevojë për një shtesë 10 mcg të vitaminës D çdo ditë. Kur fëmija fillon konsumimin e ushqimeve të ngurta ju mund t’i ofroni edhe pije të tjera. Zgjedhja më e mirë është gjithmonë ujë. Por edhe lëngje frutash të holluara mirë. /Gazeta Shneta/