Në Kongresin dhe Panairin Mjekësor të organizuar nga Oda e Mjekëve të Kosovës do të marr pjesë edhe Sekretarja e Komitetit të Përhershëm Evropian të Mjekëve.
Ardhja e saj tashmë është zyrtare dhe është konfirmuar nga nënkryetari i OMK-së Dr. Naser Gjonbalaj, shkruan Gazeta Shneta.
“Po do ketë përfaqësues nga CPME dhe është e konfirmuar ardhja e sekretares së përhershme të CPME’s Annabel Seebohm”, ka deklaruar Gjonbalaj.
Në Kongresin dhe Panairin e parë Mjekësor i cili do të mbahet më datën 18 dhe 19 tetor, pritet të marrin pjesë edhe profesorë e specialistë nga universitete të njohura nga SHBA, Gjermania, Franca, etj. Në kongres po ashtu do të mbahen disa punëtori dhe ëorkshope. /Gazeta Shneta/