Për njerëzit e shëndetshëm në të 20-at dhe fillimin e të 30-ave, shansi për të mbetur shtatzënë në çdo cikël menstrual (muaj) është rreth 25%. Rreth 80% e çifteve mbesin shtatzënë brenda gjashtë muajve të parë të përpjekjeve, dhe afërsisht 85% deri në 90% brenda një viti.
Kryerja e marrëdhënieve seksuale të pambrojtura çdo një deri në dy ditë gjatë dritares fertile (pesë ditë para dhe ditën e ovulacionit) rrit shanset për të mbetur shtatzënë, shkruan burimi Very Well Health përcjell Gazeta Shneta.
Studimet më të reja tregojnë se të kesh marrëdhënie seksuale një deri në dy ditë para ovulacionit rrit edhe më shumë shanset për ngjizje sesa dita e vetë ovulacionit.
Ngjizja — kur një spermatozoid bashkohet me një vezë — mund të ndodhë brenda 15 minutave pas marrëdhënies së pambrojtur. Por, embrioni (veza e fekonduar) merr pesë deri në gjashtë ditë për t’u implantuar në mitër, çka shënon fillimin zyrtar të shtatzënisë.
Nëse mendoni se mund të jeni shtatzënë, përdorni një test shtatzënie në shtëpi. Testet e shtatzënisë zbulojnë hormonin HCG (gonadotropinë korionike humane, i prodhuar nga placenta dhe që merr pak kohë për t’u identifikuar në trup pas ngjizjes. Testet janë më të sakta nëse i bëni një javë pasi të vonohet cikli.
Shumë simptoma të shtatzënisë nuk shfaqen derisa të mungojë cikli, por këto mund të ndodhin dhe më herët si:
– Gjakderdhje e implantimit (njolla të lehta gjaku 6 deri në 12 ditë pas ngjizjes).
– Ndjeshmëri në gjoks.
– Lodhje.
– Nauze dhe të vjella. /Gazeta Shneta/