S. Department of Health and Human Services njoftoi më 10 nëntor 2025 një vendim të rëndësishëm që prek trajtimin e simptomave të menopauzës tek gratë. Autoriteti ka hequr paralajmërimet e ashtuquajtura “black box” nga disa produkte të terapisë hormonale, një etiketim që më parë paralajmëronte për rreziqe serioze shëndetësore dhe komplikime të mundshme.
Ky vendim erdhi pas një rishikimi të gjerë shkencor, i cili tregoi se këto produkte janë më të sigurta se sa mendohej më parë, shkruan HHS, transmeton Gazeta Shneta.
Studimet e fundit nuk kanë identifikuar rritje të konsiderueshme të rrezikut për sëmundje kardiovaskulare, trombozë ose kancer të gjirit tek gratë që përdorin terapi hormonale sipas udhëzimeve mjekësore.
Ekspertët shpjegojnë se heqja e paralajmërimeve “black box” ofron mundësi më të mëdha për gratëtë zgjedhin trajtimin më të përshtatshëm për simptomat e menopauzës, të tilla si valë të nxehta, shqetësime të gjumit, lodhje dhe ndryshime të humorit.
Ky vendim synon gjithashtu të përmirësojë qasjen ndaj informacionit të besueshëm dhe të ndihmojë gratë të marrin vendime të informuara bashkë me mjekët e tyre.
Udhëheqës të shëndetësisë theksojnë rëndësinë e konsultimeve të rregullta mjekësore, monitorimit të shëndetit dhe përdorimit të dozave të rekomanduara për të maksimizuar përfitimet e terapive hormonale dhe për të minimizuar rreziqet./ Gazeta Shneta/