Problemet e rënda dhe të vazhdueshme të gjumit të foshnjave gjatë vitit të parë lidhen me shëndetin e dobët mendor dhe fizik të nënës gjatë shtatzanisë, ka gjetur një studim i ri.
Studimi, i udhëhequr nga Dr Fallon Cook, zbuloi se është shumë e zakonshme të përjetoni vështirësi me gjumin e fsohnjës në një pikë të vitit të parë, me rreth 60% të nënave që raportojnë probleme të buta ose të luhatshme. Por, për 20% të nënave problemet e gjumit të foshnjave të tyre janë të vazhdueshme gjatë vitit të parë, transmeton Gazeta Shneta.
“Këto nëna kanë më shumë të ngjarë të kenë shëndet më të dobët mendor dhe fizik gjatë shtatzanisë, në krahasim me nënat e foshnjave pa probleme gjumi”, tha Dr. Cook.
Gjetjet tregojnë se për disa, problemet me gjumin e foshnjave mund të kenë më shumë lidhje me mirëqenien e nënës gjatë shtatzanisë sesa me stilin e prindërimit.
Deri më tani nuk ishte e qartë nëse ishte e mundur të parashikohej se foshnjat do të kenë probleme me gjumin. Gjetjet e tanishme, së bashku me hulumtimet e tjera në zhvillim, sugjerojnë që problemet e rënda dhe të vazhdueshme të gjumit të foshnjave janë të lidhura disi me mirëqenien e nënave gjatë shtatzanisë./GazetaShneta/