Sipas një studimi të fundit, të publikuar te revista e Institutit Kombëtar të Kancerit, është rritur ndjeshëm numri i rasteve me kancer të zorrës së trashë tek të rinjtë
Hulumtuesit shkencorë kanë zbuluar se personat e lindur në vitet ’90 janë dyfish më të rrezikuar nga kanceri i zorrës së trashë dhe katërfish nga kanceri rektal, krahasuar me ata të lindur në vitet ’50.
Shkencëtarët akoma nuk kanë një përgjigje të sigurt, por ka një lajm të mirë: Kanceri i zorrës është forma më e parandalueshme e të gjitha llojeve të kancerit, andaj nëse vëreni një nga këto simptoma lini një takim me mjekun,menjëherë.
Nëse mjeku do të dyshojë për ndonjë gjë, mund t’ju kërkojë të bëni kolonoskopinë ose eko të tjera për të kontrolluar më nga afër se ku qëndron problemi.
Kancerin e zorrëve mund ta sinjalizojnë shqetësimet në vijim:
-Njolla gjaku në fekale: Hemorroidet apo një çarje e vogël anale mund të shkaktojnë gjakderdhje (njolla gjaku të ndezur) kur kryeni nevojat personale. Hemorroidet janë shumë të shpeshta si te burrat, edhe te gratë. Rreth gjysma e popullsisë kanë hemorroide rreth moshës 50 vjeç. Gjithsesi janë një problem kalimtar. Por, është shumë e rëndësishme që ju të paraqiteni tek mjeku specialist nëse keni hemorragji në pjesën e anusit, sepse mund të jetë shenjë e sëmundjeve të tjera të traktit tretës, përfshi dhe kancerin e zorrës së trashë.
-Ndryshimi i shprehive të “daljes jashtë”: Çdokush zë kaps me raste. Por, një konstipacion për një kohë të gjatë mund të jetë shenjë e një bllokimi në zorrën e trashë. Kjo ndodh, sepse në fillim të zorrës, jashtëqitja është e butë dhe mund të kalojë çdo pengesë. Por, ndërsa kalon në fund të zorrës, ajo vazhdo të forcohet. Nëse ka ndonjë masë tumorale në fund të rektumit, e bën të vështirë jashtëqitjen. Diarreja që zgjat për shumë ditë mund të jetë shenjë e ndonjë problemi shqetësues. Jashtëqitja e shpeshtë është simptoma tip.
-Dhimbjet e reja, të papritura të barkut: Nëse nuk i keni përjetuar ndonjëherë këto dhimbje, ose keni presion për jashtëqitje, duhet të vizitoni mjekun. Nëse ndonjë masë tumorale ka bllokuar zorrën, jashtëqitja fillon të ngushtohet dhe të marrë formën e shiritit për të dalë. Nëse shfaqen edhe simptomat e përmendura më sipër, konsultohuni me mjekun.
-Jashtëqitja është e hollë sa një laps: Nëse ndonjë masë tumorale ka bllokuar zorrën, jashtëqitja fillon të ngushtohet dhe të marrë formën e shiritit për të dalë. Nëse shfaqen edhe simptomat e përmendura më sipër, konsultohuni me një mjek./RTV21/