Shërbimi Spitalor Klinik dhe Universitar i Kosovës (ShSKUK), ka njoftuar rreth lajmit të zgjerimit të Shërbimit të Hemodializës në Klinikën e Pediatrisë të QKUK-së.
Mes tjerash është raportuar se falë ndihmës së një donatori, në Repartin e Kujdesit Intensiv të Klinikës së Pediatrisë është aktivizuar Shërbimi i Hemodializës, i cili deri më tani është kryer në hapësirën e veçantë pranë Repartit të Nefrologjisë në Klinikën e Pediatrisë, transmeton Gazeta Shneta.
Përveç kësaj, nga i njëjti donator është siguruar Komora, e cila shërben për përgatitjen e kimioterapisë, në mënyrë që terapia të bëhet gati më lehtë dhe më shpejt.
Njoftimi i plotë nga ShSKUK:
Është zgjeruar Shërbimi i Hemodializës në Klinikën e Pediatrisë në Qendrën Klinike Universitare të Kosovës.
Në Repartin e Kujdesit Intensiv të Klinikës së Pediatrisë në Qendrën Klinike Universitare të Kosovës, është aktivizuar Shërbimi i Hemodializës, kjo falë ndihmës së një donatori. Shërbim ky i cili deri më tani është kryer në hapësirën e veçantë pran Repartit të Nefrologjisë në Klinikën e Pediatrisë.
Tani e tutje, pacientët do të kenë mundësinë të kryejnë shërbimin e hemodializës edhe në Repartin e Kujdesit Intensiv në këtë klinikë.
Aktualisht ne repartin e Kujdesit Intensiv është duke u trajtuar 1 pacient.
Po ashtu, nga i njëjti donator është siguruar Komora, e cila shërben për përgatitjen e kimioterapisë, në mënyrë që terapia të bëhet gati më lehtë dhe më shpejt. Pra është bërë zgjerimi edhe i shërbimit për përgatitjen e kimioterapisë në kuadër të hapësirës tek Ambulanta Specialistike të Klinikës së Pediatrisë.
Kjo do jetë në shërbim të pacientëve të cilët marrin kemioterapi përmes ambulantave specialistike.
Pajisja e Komoras, ofron një siguri të lartë si për pacientin, poashtu edhe për personelin shëndetësor.