Shkaqet e hepatitit të rëndë te fëmijët, gjithçka që duhet të dini

2022-05-21 në ora 13:40

Të paktën 600 fëmijë në 24 shtete janë duke u përballur me hepatitin akut.

Që nga 18 maji, të paktën 175 fëmijë në Britani janë duke u përballur me hepatitin akut, e të cilët janë të moshës nën pesë vjec shkruan Reuters, transmeton Gazeta Shneta.

Në Shtetet e Bashkuara, më shumë se 90% e fëmijëve të prekur janë të hospitalizuar. Shumica janë shëruar, por të paktën pesë kanë vdekur, sipas Qendrave të SHBA për Kontrollin dhe Parandalimin e Sëmundjeve (CDC).

Rastet e raportuara kanë qenë që nga muaji prill, me simptoma si urinë me ngjyrë të errët, jashtëqitje e lehtë, të vjella.

Hepatiti akut është i pazakontë tek fëmijët e vegjël. Nuk janë gjetur ekspozime të zakonshme mjedisore, si uji ose ushqimi i pasigurt.

Pothuajse gjysma e fëmijëve kanë rezultuar pozitiv për adenovirus, një virus i zakonshëm i fëmijërisë, duke përfshirë disa me një lloj të quajtur adenovirus-41F.

Adenovirus-41 dihet se shkakton simptoma gastrointestinale si diarre, të vjella dhe ethe.

Por, a mund të keni lidhshmëri me Covid-19?

Ekspertët kanë përjashtuar një lidhje mes rasteve të hepatitit dhe vaksinave të COVID, pasi shumica e fëmijëve të prekur ishin shumë të vegjël për të marrë vaksinat.

Shumë nga fëmijët nuk ishin të infektuar me Covid dhe infeksioni i mëparshëm me SARS-CoV-2 ende nuk është përcaktuar për shumë raste, tha Dr. Jason Kindrachuk.

Megjithatë, disa mund të kenë pasur simptoma të lehta ose asimptomatike COVID që kaluan pa u vënë re. Grimcat e mbetura të koronavirusit në traktin gastrointestinal mund të stimulojnë sistemin imunitar për të mbireaguar ndaj një adenovirusi zakonisht më të butë me sasi të larta të proteinave inflamatore që në fund të fundit dëmtojnë mëlçinë.

Në anën tjetër, ekspertët hipotetizojnë se për shkak të distancës sociale dhe masave të tjera të përdorura për të parandaluar pandeminë, fëmijët më të vegjël kishin më pak ekspozim ndaj adenoviruseve që do t’i ndihmonin ata të ndërtonin imunitetin.

“Do të nevojiteshin më shumë kërkime për të konfirmuar secilën teori,” tha Faëaz. /Gazeta Shneta/