Ushqimet për fëmijë janë të shijshme por a e keni menduar ndonjëherë se çfarë përmabjnë në të vërtetë.
Një studim I kryer nga National Department of Health Pretoria në Afrkën Jugore ka analizuar përmbajtjen e sheqerit në një shumëllojshmëri të produkteve ushqimore për foshnje. Mostra e studimit përfshinte ushqime për fëmijë të disponueshëm në treg – duke përfshirë kutitë e drithërave dhe kavanoza të ushqimeve të përpunuara – të synuara për fëmijët nën 12 muaj, transmeton GazetaShneta.
Afrika e Jugut ka normat më të larta të obezitetit të fëmijërisë në botë, me një shifër alarmante prej 13%, ndërsa mesatarja globale qëndron në 6%, përcjellë “NDHP”.
Një nga shkaqet kryesore të këtyre përqindjeve është rritja e shpejtë e industrisë komerciale ushqimore të vendit. Kjo ka çuar në rritjen e konsumit të ushqimeve të lira, lehtësisht të arritshme dhe të përpunuara që janë të larta në sheqer.
Ushqimet komerciale të foshnjave shpesh paraqiten si ushqime të para për foshnjat sepse ato janë të përshtatshme dhe të lehta për t’u përdorur. Kjo i bën gjetjet e studimit veçanërisht alarmante.
Vetëm një në pesë nga ushqimet e bebeve në studim kishte nivele të pranueshme siç përcaktohet nga Organizata Botërore e Shëndetësisë (OBSH) – dmth, më pak se 20% e kalorive totale rrjedhin nga sheqeri.
Por gati 80% e drithërave dhe pureve përmbanin sheqer të shtuar. Ushqimet e përpunuara që përmbanin sheqer të shtuar, përfshirë mjaltin, ishin një përzierje e karrota dhe dy lloje të drithërave së mëngjesit.
Studimi gjithashtu hedh dritë mbi faktin se pak informata ishin në dispozicion të konsumatorëve mbi përbërësit e përdorur në ushqimet e foshnjave. Për shembull, ishte pothuajse e pamundur të identifikohej se cilat produkte kishin sheqer të shtuar kundrejt atyre që kishin vetëm sheqernat e brendshme (natyrale). Të dyja janë të dëmshme në produktet e përpunuara.
Ajo që ëshrë më se e nevojshme të bëhet për të përmirësuar këtë problematikë është ndalimi i detyrueshëm i sheqerit të shtuar nga prodhuesit dhe po ashtu futja e një sistemi të etiketimit të ushqimit.
Ne gjithashtu rekomandojmë kufizimin e ushqimeve të të tepërta dhe të përpunuara të foshnjave në favor të alternativave më të shëndetshme./GazetaShneta/