Përfaqësuesit e Shoqatës së Infermierëve kanë takuar Kryetaren e Komisionit për Shëndetësi në Kuvendin e Kosovës, deputeten Dr. Besa Baftiu.
Infermierët në këtë takim i kanë shprehur deputetes Baftiu kërkesat e tyre që kanë të bëjnë me ndryshimin e Ligjit për Paga dhe rritjen e koeficientit të tyre.
“Në takim u pajtuam që sipas Kushtetutës dhe rregullorës së Kuvendit të Kosovës, të fillojmë sa më shpejt diskutimet për plotsim/ndryshimin e ligjit të pagave, në lidhje me koeficientin që nga 2.2 sa është tani, të ngritet në 3, për shkak të rëndësisë së madhe që kanë infermierët në shëndetsinë e Kosovës dhe poashtu ikja e madhe e infermierëve profesionist për në shtetet e Bashkimit Evropian”.
“Poashtu u diskutuan edhe për disa pika të tjera të cilat na i garanton ligji i punës, i cili ka hyrë në fuçi në fund të vitit 2010, por në fakt ne nuk i marim që nga atëhere e ato janë: Ndrrimet e natës me 30% për orë, Orët shtesë rreth 32 orë në muaj, Pagesa për vikende me 50% për orë, Rrezikshmëria në punë, Mungesa e madhe e infermierëve”, thuhet në njoftim.
Nga Shoqata e Infermierëve kanë marr pjesë kryetari Fitim Havolli, nënkryetarët Përparim Berisha dhe Besarta Pelaj, sekretari Enlirat Duraku dhe Kryetarja e këshillit të gruas Luljeta Musliu. /Gazeta Shneta/