Shqetësuese: Rritet ndjeshëm numri i rasteve të infektimit me Covid te fëmijët

2021-11-24 në ora 13:28

Rastet me Covid-19 te fëmijët janë rritur deri në 32 për qind në dy javët e fundit, tregon raporti nga Akademia Amerikane e Pediatrisë (AAP).

Vetëm javën e kaluar janë raportuar 141,905 raste pozitive me Covid te fëmijët, të cilët përfaqësojnë më shumë se një të katërtën e të gjitha rasteve të raportuara shkruan CNN, transmeton Gazeta Shneta.

Mësoni më shumë në lidhje me komplikimet e shtatzënisë KËTU

Që nga fillimi i pandemisë e deri më sot, më shumë se 6.8 milionë fëmijë kanë rezultuar pozitiv me Covid-19.

Sipas Dr. Anthony Fauci, drejtor i Institutit Kombëtar të Alergjisë dhe Sëmundjeve Infektive, kjo rritje nuk ishe e papritur.

Miliona njerëz janë ende të pavaksinuar, dhe kjo “rezulton në dinamikën e virusit në komunitet që jo vetëm se është i rrezikshëm dhe transmetohet më lehtë tek personat, por gjithashtu edhe njerëzit e vaksinuar mund të infektohen, sepse asnjë vaksinë nuk është 100% efektive,” ka thënë Fauci.

Numri i fëmijëve me Covid-19 konsiderohet ende “jashtëzakonisht i lartë“, thuhet në raportin e AAP.

Kjo shënon javën e 15-të radhazi që rastet e fëmijëve me Covid-19 janë në numër mbi 100,000.

Deri më tani, ekzistojnë gjasa të ulëta që fëmijët të hospitalizohen, mirëpo në disa shtete është raportuar se fëmijët përbënin 1.7 për qind dhe 4.0 për qind të rasteve që kishin nevojë për trajtim shëndetësor.

Për të mbrojtur shëndetin e fëmijëve tuaj, tashmë vaksina kundër Covid, Pfizer, është në dispozicion.

Kjo vaksinë ka treguar efikasitet deri në 90 për qind në mbrojtjen e shëndetit të fëmijëve, nga mosha 5 vjeç e lart./Gazeta Shneta/