Mamia Razije Musa në publikimin e saj të rregullt në Facebook kësaj here ka folur për kujdesin ndaj ushqimit.
Ajo e ka cekur se populli shqiptar gjithmonë ka ngrënë ushqim të shëndetshëm me një përpikmëri të qëllimshme, duke ndarë çdo ushqim për ditë të caktuara, shkruan GazetaShneta.
“A e keni menduar ndonjëherë se paragjellë më të shëndetshme se shqiptarët nuk ka pasur asnjë popull. Kos, djath, lëng, turshi, të gjitha këto ushqime me plot probiotikë kanë zënë vend para ardhjes së gjellës. A e dini se gjyshërit tanë e kanë pasur menynë e ndarë për çdo ditë, le të themi pasuli ka qenë të hanën, mishi të martën, pitja të mërkurën etj.”, ka shkruar Musa.
Më tej ajo ka vazhduar duke cekur se në sofrat shqiptare gjithmonë kanë figuruar perimet si qepa e hudhra të cilat na kanë ndihmuar t’u bëjmë ballë viruseve e gripeve të kohës.
Andaj Musa bën thirrje me të drejtë që të vazhdojmë këtë traditë, duke u fokusuar në ato që mund t’i sigurojmë dhe të mos ankohemi pse nuk arrijmë të blejmë gjëra më të kushtueshme.
“T’i kthehemi përpunimit të tokës pjellore që e ka Kosova, në fund të fundit le të mbjellim të gjithë për veten”, shkruan ndër tjera ajo. /GazetaShneta/
Lexoni shkrimin e plotë:
https://www.facebook.com/photo.php?fbid=1291769001000209&set=a.154737558036698&type=3&theater