Të kesh një fëmijë është më energjikisht i kushtueshëm sesa zakonisht mendohet, tregon një studim i ri, raporton CNN.
Sipas Dr. Dustin Marshall, bashkëautor i studimit të botuar më 16 maj në revistën “Science”, gjatë shtatzënisë një grua shpenzon rreth 49,753 kalori – sa 164 karamele snickers – vetëm për krijimin dhe mbajtjen e një të vogli, transmeton Gazeta Shneta.
Për këtë meta-analizë, Marshall dhe ekipi i tij nga Universiteti Monash në Melburn, Australi, përdorën të dhëna nga mijëra studime për të krahasuar koston e energjisë riprodhuese në shumë specie, nga insektet e hardhucat deri te njerëzit.
“Shumica e njerëzve kuptojnë kërkesat e larta të energjisë gjatë shtatzënisë, por puna jonë jep një pasqyrë të qartë dhe të krahasueshme të këtyre kostove”, tha Dr. Samuel Ginther, autori kryesor.
Ai shtoi se pjesa më e madhe e energjisë shkon për zhvillimin e fetusit, ndërsa vetëm rreth 10% shkon direkt në foshnjë. Kur llogariten edhe ngarkesat e laktacionit, foshnja përfaqëson më pak se 1/20 e investimit total riprodhues.
Dr. Eve Feinberg nga Universiteti Northwestern tha se ky studim ndihmon në ndryshimin e perceptimeve mbi nevojat energjetike gjatë shtatzënisë, duke theksuar rraskapitjen reale që përjetojnë gratë shtatzëna.