Fasulet janë ato lloj perimesh që nuk duhet të mungojë në tryezën tuaj, madje preferohet konsumi i tyre dy herë në javë.
Ndër ushqimet e rekomanduara në periudhën e shtatzanisë janë edhe fasulet. Ato janë të pasura me proteina dhe karbohidrate. Kanë në përmbajtje të tyre shumë pak yndyrë dhe përmbajnë shumë fibra.
Fibrat luajnë një rol të rëndësishëm në funksionimin e zorrëve. Përveç kësaj, fasulet janë të pasura me vitamina A, B, C, E dhe janë një burim i mineraleve si kalium, hekur, kalcium, zink dhe fosfor.
Për të gjitha këto arsye, fasulet janë të shkëlqyera gjatë shtatzënisë, dhe ndikojnë në zhvillimin e shëndetshëm të fetusit. Proteinat e pranishme në ushqime nuk janë të gjitha njësoj. Llojet e proteinave që gjenden në fasule ndryshojnë nga ato që përmbajnë ushqime të tjera si veza apo qumështi.
Në shtatzëni është mirë të ndiqni dieta të shumëllojshme në mënyrë që t’i merrni të gjitha proteinat nga ushqime të ndryshme. Për shembull, edhe mishi është një burim i mirë proteinash. Rritja e fetusit në shtatzëni kërkon sasinë e duhur të proteinave. Kjo është arsyeja pse një dietë me fasule mund të jetë strategjia më e mirë për të përfituar proteinat.
Cilat janë ushqimet që përmbajnë proteina?
Përveç mishit, vezëve, qumështit, proteina përmbajnë edhe ushqime të tjera si fasulet dhe bizelet.
Bishtajoret sa herë në javë mund t’i konsumoni?
Rekomandohet që të konsumohen dy herë në javë. Për një dietë të saktë dhe të ekuilibruar, sugjerohet të konsumohen perimet bashkë me drithërat./pernenat.al/