Dy llojet më të zakonshme të çrregullimeve të të ngrënit, anoreksia dhe bulimia shfaqen më së shpeshti gjatë adoleshencës ose moshës së rritur.
Kur këto sëmundje zgjasin në kohën e shtatzënisë të një gruaje ato mund të ndikojnë negativisht jo vetëm në shëndetin e saj, por edhe në foshnjën e saj shkruan American Pregnancy Association, përcjell Gazeta Shneta.
Anoreksia përfshin dietë obsesive ose uri për të kontrolluar shtimin në peshë, ndërsa në anën tjetër, bulimia përfshin ngrënie të tepruar dhe të vjella ose përdorim të laksativëve për të çliruar trupin nga kaloritë e tepërta.
Çrregullimet e të ngrënit, veçanërisht anoreksia, ndikojnë në pjellori duke zvogëluar shanset tuaja për t’u ngjizur.
Shumica e grave me anoreksi nuk kanë cikle menstruale dhe afërsisht 50% e grave me buliminë poashtu luftojnë çrregullim të ciklit.
Komplikimet e mëposhtme shoqërohen me çrregullime të të ngrënit gjatë shtatzënisë dhe manifestohen në: lindje të parakohshme, peshë e ulët e lindjes, rritje e rrezikut të lindjes cezariane, vonimi i rritjes së fetusit, problemet e frymëmarrjes.
Për të mësuar më shumë rreth komplikimeve të shtatzënisë KLIKO KËTU
Mirëpo edhe gjendjet e tjera shëndetësore si diabeti gestacional, komplikimet gjatë lindjes, depresioni, aborti spontan dhe preeklampsia mund të jenë shkak si rol negativ të çrregullimeve të ngrënies.
Gratë me çrregullime të ngrënies kanë nivele më të larta të depresionit pas lindjes dhe ka më shumë të ngjarë të kenë probleme me ushqyerjen me gji.
Laksativët, diuretikët dhe ilaçet e tjera që merren mund të jenë të dëmshëm për foshnjën në zhvillim.
Është e mundur që ato mund të çojnë në anomali të fetusit, veçanërisht nëse ato përdoren rregullisht. /Gazeta Shneta/