Foshnjet e sapo lindura din shumë pak gjëra, por vendosini ato në krahërorin e së ëmës dhe do ta shihni se si në mënyrë instiktive drejtohen për nga gjoksi i nënës, për të pirë qumështin.
Ku e marrin këtë aftësi foshnjet menjëherë pas lindjes?
Një studim i ri i realizuar në Itali, sugjeron se arsyeja e kësaj lëvizje tek bebet, ndodhë për shkak se thithka e trupit të nënës, është gjithmonë më e ngrohtë se pjesët e tjera të trupit.
Studiuesit kanë vëzhguar 41 femra të cilat kanë lindur në spital gjatë muajit janar dhe shkurt. Këto femra janë përzgjedhur vetëm pasi kanë treguar se do të ushqejnë fëmijën me qumësht gjiri, nuk kanë pasur probleme gjatë shtatëzanisë, dhe që ishin shtatëzëna vetëm me një foshnje, shkruan livescience, trasnmeton Gazeta Shneta.
Pas të gjitha analizave të shumta që shkenctarët realizuan, rezultati tregoi se përpara se nënat të lindnin foshnjet, temperatura e thithkave të gjoksit të tyre rritej dukshëm në krahasim me pjesët e lëkurës përreth kësaj zone. Përafërsisht, sipas shkenctarëve, temperatura arrinë në 0.2 gradë celsius më e lartë sesa lëkura përreth. Pastaj, menjëherë pas lindjes, temperatura arrinte deri në 0.5-0.6 gradë Celsius.
Gjithashtu, gjatë hulumtimeve, është vërejtur se buzët e bebeve pas lindjes ishin tejet të ftohta krahasur me ballin e tyre. Që nënkupton se gjatë përqafimit të nënës me beben, që të dyja kanë ngrohur dhe ftohur zonat përkatëse të njëra-tjetrës. /Gazeta Shneta/