Bebet lindin gati për të mësuar dhe edhe pse nuk “flasin” në javët e para të jetës, ato dinë të komunikojnë atë që ndjejnë. Foshnjet e bëjnë këtë duke qarë. Dhe kjo është diçka që ata bëjnë shumë para se të fillojnë që të prodhojnë fjalë.
Bebet fillojnë të mësojnë rregullat e gjuhës atëherë kur fillojnë të forcohen kockat e vogla brenda veshëve të tyre dhe kur këto kocka bëjnë lidhjen me trurin, transmeton GazetaShneta.
Ata mund të dëgjojnë ritmin dhe melodinë e zërit të nënës së tyre për tre muaj përpara se të lindin dhe kjo ndryshon mënyrën se si truri i tyre zhvillohet.
Përvoja që foshnjat marrin nga përgjimi në bisedat e nënës së tyre në uterus ndihmon që truri i tyre të akordohet në gjuhën që do të mësojnë të flasin pasi të lindin.
Foshnjat mund të kuptojnë shumë fjalë para se t’i thonë ato. Me nëntë muaj, foshnjat zakonisht mund të kuptojnë fjalë si “tung” dhe edhe të përshëndesin me dorë kur dikush ua thotë atë fjalë.
Ndërsa kur foshnjat fillojnë të rriten ato fillojnë edhe të belbëzojnë fjalë të reja të cilat shpesh tingëllojnë edhe si fjalë më konkrete dhe jo vetëm lëshim i tingujve të pakuptimtë.
Deri sa bebet arrijnë ditëlindjen e parë, shumica e tyre kanë filluar të prodhojnë fjalët e tyre të para. Në moshën një vjeçare, foshnjat zakonisht mund të kuptojnë deri në 50 fjalë dhe mund të thonë një ose dy fjalë si “mama” ose “dada”.