Në Shtetet e Bashkuara, 70% e të rriturve raportuan se merrnin të paktën një medikament me recetë në ditë në vitin 2020.
Gjithashtu, 24% raportojnë se merrnin katër ose më shumë barna në ditë. Shumë njerëz i dinë efektet anësore të pakëndshme të medikamenteve, si nauze, lodhje dhe diarre, por ç’të themi për efektet në menstruacione?
Nuk është e pazakontë që medikamentet si aspirina dhe pilulat kontraceptive hormonale të shkaktojnë ndryshime menstruale.
Gratë mund të përjetojnë luhatje të menstruacioneve nga mjekimet, shkruan Health News transmeton Gazeta Shneta.
Barnat anti-inflamatore josteroidale, kontraceptivët, terapia hormonale, kimioterapia dhe medikamentet e tiroides janë disa barna që ndërpresin periodat menstruale.
Medikamente që mund të prishin ciklin tuaj menstrual
Barnat anti-inflamatore josteroidale (NSAIDs)
Barnat anti-inflamatore josteroidale (NSAIDs) janë medikamente me recetë që përdoren zakonisht për të lehtësuar dhimbjen, për të reduktuar inflamacionin dhe për të ulur temperaturën e lartë nga ethet.
Për gratë me rrjedhje më të rënda menstruale, NSAID-të mund të jenë një përfitim nëse duan një rrjedhje më të lehtë të ciklit.
Holluesit e gjakut
Holluesit e gjakut ose antikoagulantët janë të përshkruar për të trajtuar ose parandaluar mpiksjen e gjakut.
Megjithatë, sipas Shoqatës Amerikane të Hematologjisë, gjakderdhja jonormale e mitrës mund të ndodhë më shpesh tek gratë që marrin hollues gjaku, si apixaban, edoxaban ose varfarin.
Gjakderdhja jonormale dhe e rëndë mund t’i bëjë gratë të ndihen më të lodhura dhe të dobëta, duke ndikuar përfundimisht në cilësinë e jetës së tyre.
Format e kontracepsionit
Pilula implanti, unaza janë lloje hormonale të kontracepsionit që përdoren shpesh për të parandaluar shtatzëninë.
Përveç kësaj, kontracepsioni i bën periodat më të gjata, më të shkurtra, më të lehta ose më të rënda, varësisht nga natyra reaguese e organizimit femëror.
Terapia hormonale
Terapia hormonale rrit nivelet e hormoneve të një gruaje për të lehtësuar simptomat e menopauzës. Përveç kësaj, ky lloj trajtimi mjekësor e bën shtresën e brendshme të mitrës më të hollë. Me një shtresë më të hollë të mitrës, gratë mund të përjetojnë pak ose aspak gjakderdhje menstruale.
Kimioterapia
Kimioterapia është një trajtim standard i kancerit që përfshin barna për të shkatërruar qelizat e kancerit. Ky trajtim i kancerit mund të shkaktojë përkohësisht infertilitet. Steriliteti mund të ndalojë ose të shkaktojë perioda të parregullta. Gratë që marrin kimioterapi mund të përjetojnë një ndërprerje të përkohshme në menstruacionet e tyre. Zakonisht duhen rreth gjashtë muaj deri në një vit që menstruacionet e një gruaje të kthehen në modelin e saj normal pas marrjes së kimioterapisë.
Medikamente për tiroiden
Nëse dikush ka hipotiroidizëm, mjekimi për të trajtuar këtë gjendje mund të shkaktojë ndryshime në ciklin menstrual. Një bari që trajton hipotiroidizmin është levotiroksina.
Levotiroksina zëvendëson hormonet e prodhuara natyrshëm nga tiroidja. Megjithatë, ky medikament për tiroidet mund të shkaktojë edhe luhatje gjatë ciklit menstrual.
Medikamente për epilepsinë
Gratë që kanë epilepsi mund të vërejnë ndryshime në ciklin e tyre menstrual. Për shembull, luhatjet e menstruacioneve janë më të shpeshta tek gratë që marrin valproat për të trajtuar epilepsinë. Përveç kësaj, marrja e këtij medikamenti antiepileptik mund të jetë një faktor kontribues në normat e ulëta të fertilitetit.
Barnat kundër depresionit
Hulumtimet kanë treguar se disa gra që marrin barna kundër depresionit mund të përjetojnë efekte anësore si ngërçe të dhimbshme, gjakderdhje të rëndë ose mungesë periodash. Këto barna kundër depresionit që zakonisht shoqërohen me luhatje menstruale janë paroksetina, venlafaksina dhe sertralina në kombinim me mirtazapinën. /Gazeta Shneta/