Të jemi të sinqertë – pjesa më karakteristike e një vendi janë muzetë.Mirëpo, a mund të kenë ndikim në shëndetin tonë mendor?
Pjesëmarrja në muze dhe ekspozita, përveç që është një veprimtari kulturore interesante dhe e këndshme, shërben gjithashtu për të përmirësuar kujtesën dhe për të mbajtur trurin aktiv dhe për të zvogëluar rrezikun e zhvillimit të ndonjë forme të çrregullimeve. Ky rezultat del nga një hulumtim i kryer në Londër mbi pothuajse 4 mijë njerëz dhe është publikuar në British Journal of Psychiatry.
Përfitimet edhe pas 10 vjetësh
Studimi mori në konsideratë faktorë të mundshëm që mund përmirësojnë kujtesën, siç janë variablat sociale dhe demografike. Në fakt, ata që frekuentojnë muze dhe ekspozita, në përgjithësi, gjithashtu i përkasin grupeve të larta socio-ekonomike dhe për këtë arsye mund të gëzojnë edhe faktorë të tjerë që zvogëlojnë rrezikun e çrregullimeve mendore. Sipas autorëve të studimit, të udhëhequr nga psikiatri Daisy Fancourt i Departamentit të Shkencës së Sjelljes dhe Shëndetit të Kolegjit Universitar të Londrës, studimi ka treguar për herë të parë që në mesin e njerëzve që frekuentojnë muzetë të paktën disa herë në vit, po gjendet një shkallë më e ulët në incidencën e problemeve mendore gjatë një periudhe 10-vjeçare monitorimi”.
Lufton stilin sedentar të jetesës
Megjithatë, rezultatet e anketës u konfirmuan edhe pas përjashtimit të variablave të tjerë. “Vizitimi i muzeve është një formë e aktivitetit të lehtë fizik që zvogëlon efektet negative të një stili jetese të ulur dhe gjithashtu përbën një lloj të veçantë të përfshirjes shoqërore pasi inkurajon njerëzit të largohen nga shtëpia, shpesh në shoqërinë e familjes dhe miqve”.
E dinit?
Të dhënat epidemiologjike tregojnë se rreth 50 milion njerëz në të gjithë botën vuajnë nga një formë e çrregullimeve mendore./pernenat