Secila grua shtatzënë, në shtatzëninë e hershme duhet të kryej ekzaminime, si të detyrueshme, ashtu edhe ekzaminime të tjera shtesë. Në këtë periudhë, ne primarisht fokusohemi në skenimin me ultrazë dhe me matjet e translucensës nuhale (NT) dhe me testet invazive dhe jo-invasive për t’iu ndihmuar ju të keni më shumë informata sa i përket shëndetit gjenetik të bebes në ardhje.
Diferenca kryesore mes testeve invazive dhe jo-invazive është se në metodat invazive, sikurse amniocenteza dhe biopsia e indit korial (CVS- mostrat e kordonit), ekziston rreziku i abortit i shprehur në 1-2 %, për shkak të penetrimit në trup, përderisa nuk ka fare rrezik të abortit apo komplikimeve sikurse infeksionet, gjakderdhja ose rrjedhja e ujit fertil në testet jo-invazive.
Sigurisht se testi më i mirë dhe më i kompletuar prenatal jo-invaziv në botë është NIFTY testi – ai është i sigurt, i thjeshtë, i saktë dhe shumë i besueshëm.
Si realizohet procedura e testimit me NIFTY test?
NIFTY testi mund të bëhet nga secila grua shtatzënë që nga java e 10-të e shtatzënisë. Para se të merret gjaku i NIFTY testit, gjinekologu do të shpjegojë mundësitë, përparësitë dhe kufizimet e NIFTY testit. Gjithashtu, ata do të bëjnë një skenim me ultrazë për të konfirmuar rrahjet e zemrës. Pas asaj, bashkë me gjinekologun tuaj, ju do të plotësoni dokumentet e nevojshme me informacionet që ndërlidhen me shtatzëninë dhe të nënshkruani dokumentin e informimit që ju e konfirmoni dhe aprovoni realizimin e testit.
Procedura është shumë e thjeshtë dhe e sigurt, çka në të vërtet është procedura standarde e marrjes së gjakut nga vena në dorën tuaj.
Më pas një mostër gjaku bashkë me të gjithë dokumentet e nevojshme dërgohet në një laborator që analizon atë sipas standardeve më të larta. Rezultatet nga NIFTY testi në shumicën e rasteve mund t’i merrni pas 6-10 ditësh pas ditës që ju është marr gjaku dhe dorëzuar te gjinekologu i cili e ka realizuar testin dhe i cili më pas ju informon për rezultatin dhe ua sqaron kuptimin e tij. 
Saktësia e detektimit e NIFTY testit është më shumë se 99 % për detektimin e 3 trisomive më të zakonshme: Sindromi Down, Edwards dhe Patau, dhe testi gjithashtu mund të detektojë edhe 4 çrregullime kromozomale gjinore, trisomitë kromozomale 9, 16, 22 dhe madje edhe 60 çrregullime të ndryshme kromozomale duplikacione dhe mikrodelecione. Nëse ju dëshironi, NIFTY testi gjithashtu mund të zbulojë gjininë e bebes suaj.
Në videon e mëposhtme, ju mund ta shihni se sa e lehtë është procedura e testimit me NIFTY testin. Më tepër informata mund të gjeni edhe në: www.niftytest.al.