Endometrioza nuk do të thotë që nuk mund të mbeteni shtatzënë, por mund të rrisë shanset tuaja për infertilitet.
Endometrioza prek një në dhjetë individë të moshës riprodhuese – kjo vlerësohet rreth 200 milion njerëz në të gjithë botën shkruan The Insider, përcjell Gazeta Shneta.
Ndërsa 30 deri 50% e atyre me endometriozë luftojnë me infertilitetin, kjo nuk do të thotë domosdoshmërisht se duhet të heqësh dorë nga shpresa për koceptimin e shtatzënisë së dëshiruar.
Në anën tjetër, operacionet e shumta për endometriozën mund të shoqërohen me dhëmbëza dhe mund të ndikojnë në funksionin e vezoreve.
Endometrioza gjithashtu mund të dëmtojë vezën e gruas ose spermatozoidin e një burri, duke parandaluar përfundimisht shtatzëninë.
Për të mësuar më shumë rreth komplikimeve gjatë shtatzënisë KLIKO KËTU.
Laparoskopia është mënyra e vetme për të konfirmuar një diagnozë të endometriozës.
Shtatzënia ende mund të ndodhë, në varësi të ashpërsisë së endometriozës së gjetur në kohën e laparoskopisë.
Sipas ‘Spitalit të Grave Brigham’, nivelet e shtatzënisë mund të përmirësohen nëse endometrioza e fazës I ose II hiqet kirurgjikisht.
Nëse keni endometriozë dhe jeni të interesuar të krijoni një familje, këtu janë disa hapa të dobishëm që ju dhe partneri juaj mund të ndërmerrni.
Një specialist i fertilitetit mund të vlerësojë rastin individual të gruas bazuar në simptomat e saj, zbulimet e ultrazërit, moshën dhe faktorë të tjerë të pjellorisë në mënyrë që të përcaktojë kursin më të mirë të trajtimit, fillimisht si pikë e rëndësishme.
Pastaj endokrinologu i fushës riprodhuese gjithashtu mund të kryejë teste të gjakut, të tilla si një test i hormonit anti-mullerian (AMH). Ky test mund të ndihmojë në përcaktimin e rezervës së mbetur të vezëve të një pacientes.
Nëse pas këshillimit me ekspertët dhe pjesës së analizave ende keni problem për koceptim atëherë vie parasysh edhe metodat si: fekondimi in vitro (IVF), superovulimi dhe mbarësimi intrauterine. /Gazeta Shneta/