Kur përballemi me vendime të vështira të kujdesit shëndetësor, shumë pacientë ndihen skeptik në lidhje me gjendjen kur kërkohet marrja e një vendimi.
Në këtë pjesë informuese, do paraqesim një paciente hipotetike dhe do i diskutojmë vështirësitë me të cilat ballafaqohet për marrjen e një vendimit shkruan biomedcentral, përcjellë Gazeta Shneta.
Ne shumë shpesh shpenzojmë kohën duke mbledhur informacione mbi mundësitë tona – meditojmë për gjëra të tilla si: “A duhet të aplikojë për këtë punë të re?”, “A duhet të blej këtë makinë?”, ose ndoshta “Ku duhet të shkojmë për festën tonë të ardhshme?”
Shumë pacientë, ndihen të tronditur , kur dëgjojnë informacione nga ofruesit e kujdesit shëndetësor – andaj, çdo herë është tentuar që zgjidhja të jetë e dyanshme.
Rritja e vendimmarrjes së përbashkët, ishte cak i shumë seminareve dhe ideve që të përmirësohej cilësia e kujdesit shëndetësor dhe të përfshihen pacientët në vendimmarrje.
Me sllogan, “Asgjë për mua pa mua”, ishte fryma e shumë aktivistëve në nivel global prej vitit 1998, për ta mbështetur idenë e vendimmarrjes së përbashkët.
Sandy, duhet të marrë një vendim të vështirë shëndetësor…
Sandy, është 40 vjeçe dhe ka dy fëmijë.
Nëna e saj vdiq nga kanceri ovarian dhe mjeku i tha asaj se ajo ka një rrezik në rritje të zhvillimit të kancerit ovarian. Asaj i është ofruar që të hiqen vezoret e saj të shëndetshme për të zvogëluar rrezikun e kancerit.
Sandy, ka frikë nga rreziku i kancerit ovarian, pasi ajo e di se kanceri shpesh zbulohet në një fazë të vonshme dhe nivelet e mbijetesës janë të ulëta. Kujtimet e saja të freskëta për mënyrën se si ka vuajtur nëna e saj nga kjo sëmundje e tmerrshme, kontribuojnë dhe më shumë në frikën e saj për zhvillimin e kancerit.
Përderisa, me anë të ndërhyrjes kirurgjikale ka mundësi të reduktojë rrezikun e saj të kancerit nga ana tjetër, ajo poashtu është e rrezikuar nga komplikimet kirurgjikale të tilla si:gjakderdhja apo infeksionet dhe menopauza e hershme me simptoma e saj të lidhura me depresion, osteoporozë etj.
Si të ndihmohen pacientët si Sandy?
Nga rezultatet e fituara nga hulumtimi mbi vendimmarrjen e grave në zvogëlimin e rrezikut për kancer se a duhet bërë ndërhyrje kirurgjikale, është vërejtur se vendimmarrja e tyre është e kushtëzuar nga disa faktorë siç janë: ndjeshmëria e perceptimit, ashpërsia e perceptimit, përfitimet dhe barriera e perceptuar.
Gratë, më të shqetësuara dhe të ndjeshme, që përjetonin idenë për kancerin ovarian, kishin më shumë gjasa që të kenë një ndërhyrje kirurgjikale për kancer ovarian.
Dhe si përfundim, këto hulumtime sugjerojnë se vendosja nëse do të kenë një ndërhyrje apo jo është një vendim shumë personal, dhe poashtu nxjerrë në pah nevojën për mbështetje në vendimet të cilat mund të ndihmojnë në përmirësimin e kujdesit shëndetësor të pacientëve për të ulur rrezikun e rritur të kancerit ovarian. /Gazeta Shneta/