Infeksionet e traktit urinar (UTIs) janë një nga ndërlikimet më të zakonshme të grave gjatë shtatzënisë. Bakteret mund të hyjnë brenda uretrës së një gruaje, ose në traktin urinar, dhe mund të lëvizin deri në fshikëz.
Fetusi vendos presion mbi fshikëzën, që mund të shkaktojë bllokimin e baktereve, duke shkaktuar një infeksion, transmeton GazetaShneta.
Simptomat e këtij infeksioni zakonisht përfshijnë dhimbje, djegie ose urinim të shpeshtë. Ju gjithashtu mund të përjetoni:
– Urinim të turbullt ose me gjak
– Shimbje pelvike
– Dhimbje në fundin e shpinë
– Ethe
– Të përziera dhe të vjella
Gati 18% e grave shtatzëna preken nga infeksioni i kanaleve urinare. Ju mund ta ndihmoni veten në parandalimin e këtyre infeksioneve duke zbrazur shpesh fshikëzën tuaj, veçanërisht para dhe pas seksit, shkruan HealthLine.
Pini shumë ujë për të qëndruar të hidratuara. Shmangni përdorimin e produkteve dhe shamponëve për pastrimin e zonës gjenitale.
Nëse nuk i trajtoni në kohë, këto infeksione mund të shkaktojnë edhe lindje të parakohshme.
Kur vërehen herët, shumica e UTI-ve mund të trajtohen me antibiotikë që janë efektivë kundër baktereve, por ende të sigurt për përdorim gjatë shtatzënisë. /GazetaShneta/