Omicron mund të shkaktojë shfaqjen e një numri simptomash. Varianti tani po përhapet në të gjithë botën dhe po bëhet lloji dominues në Britaninë e Madhe.
Ky variant u raportua për herë të parë në Organizatën Botërore të Shëndetësisë (OBSH) në muajin nëntor dhe një shqetësim që solli me vete, ka qenë rreth pjesës se sa mund të zvogëlojë efikasitetin e vaksinës, shkruan Express.co.uk përcjell Gazeta Shneta.
Njohja e simptomave dhe izolimi nëse i dalloni ato mund të ndihmojë në ndalimin e përhapjes së variantit. Disa nga simptomat kryesore të COVID-it janë ethet ose të dridhurat, kolla, humbja e re e shijes apo nuhatjes, mirëpo ka edhe tregues të tjerë.
Qendrat për Kontrollin dhe Parandalimin e Sëmundjeve (CDC), njoftoi se njerëzit me COVID-19 kanë raportuar “një gamë të gjerë simptomash”.
Këto mund të variojnë nga simptoma të lehta deri në sëmundje të rënda dhe disa mund të kërkojnë kujdes mjekësor.
Organizata sugjeron që simptomat mund të shfaqen dy deri në 14 ditë pas ekspozimit ndaj virusit dhe se çdokush mund të ketë simptoma të lehta deri në të rënda.
Nëse keni koronavirus, një nga simptomat tjera dalluese është dhe diarreja.
Mungesa e frymëmarrjes ose vështirësi në frymëmarrje, lodhje, dhimbje muskujsh ose trupi, dhimbje koke ose dhimbje fyti, kongjestion ose rrjedhje hundësh dhe nauze ose të vjella, janë gjithashtu shenja tjera të rëndësishme për të kërkuar.
NHS thotë se duhet të izoloheni “menjëherë” dhe të bëni një test PCR nëse keni ndonjë nga simptomat e lartpërmendura të COVID-19, “edhe nëse ato janë të lehta”. /Gazeta Shneta/