Gati 40% e grave në fazën e perimenopauzës përjetojnë simptoma si nxehtësia e papritur dhe djersitjet gjatë natës, por pa trajtim mjekësor.
Një studim i Universitetit të Monashit, i botuar në The Lancet, tregon se këto simptoma janë pesë herë më të shpeshta në perimenopauzë sesa në para-menopauzë, dhe duhet të merren si tregues të qartë të fillimit të menopauzës.
Hulumtimi përfshiu mbi 5,500 gra dhe thekson se shumë gra me cikle të rregullta, por me ndryshime në rrjedhje dhe simptoma vasomotorike, janë në të vërtetë në fazën e hershme të perimenopauzës.
Studiuesit kërkojnë që përkufizimi i menopauzës të mos bazohet vetëm në gjakderdhjen, por edhe në simptomat.
Sipas autorëve, njohja më e hershme e këtyre shenjave mund të ndihmojë në trajtim më të mirë dhe më të shpejtë për gratë që përjetojnë këtë tranzicion jetësor./Gazeta Shneta/