Skocia do të bëhet vendi i parë në botë që siguron akses universal në produktet e periodave menstruale pa pagesë pas miratimit të legjislacionit historik në vitin 2020.
“Sigurimi i aksesit në produktet e periodave pa pagesë është thelbësor për barazinë dhe dinjitetin dhe heq barrierat financiare për t’i aksesuar ato,” tha Sekretarja e Drejtësisë Sociale, Shona Robison, shkruan MedicalxPress përcjell Gazeta Shneta.
“Ne jemi krenarë që jemi qeveria e parë kombëtare në botë që ndërmerr një veprim të tillë,” shtoi ajo.
Parlamenti skocez votoi unanimisht në favor të projektligjit, i cili e bëri atë të drejtë ligjore për të pasur akses të lirë në produktet sanitare në vendet publike, në nëntor 2020.
Produktet sanitare ishin tashmë falas për nxënësit dhe studentët, por projektligji vendosi një detyrë ligjore për ministrat për të siguruar që çdokush mund të ketë akses në to.
Shkollat, kolegjet dhe universitetet gjithashtu duhet të ofrojnë një sërë produktesh të periodave menstruale falas në tualetet e tyre.
Ministria e parë e Skocisë, Nicola Sturgeon, e përshëndeti vendimin në atë kohë.
“Krenare që votoj për këtë legjislacion novator, duke e bërë Skocinë vendin e parë në botë që ofron produkte të periodave falas për të gjithë ato që kanë nevojë për to”, shkroi ajo në llogarinë e saj në Twitter.
“Një politikë e rëndësishme për gratë dhe vajzat”. /Gazeta Shneta/