Fotografia e një skulpture të punuar në një shkëmb përgjatë rrugës së automjeteve në Kolumbi, në të cilën është portretizuar një bebe brenda mitrës se të ëmës, është bërë virale muajve të fundit. Skulptura, sipas fjalëve të artistit Dubian Monslave, është një vepër arti për nder të femrës që krijon jetën, sepse jeta është e çmueshme që nga ngjizja e deri tek përfundimi.
Monsalve ka përfunduar skulpturën e tij në vitin 2012, por vetëm muajt e fundit kjo vepër është bërë e njohur në mbarë botën, kur një person anonim e ka fotografuar atë dhe e ka publikuar në rrjetet sociale.
Kjo skulpturë, e titulluar “Mali shtatëzënë”, gjendet në një qytet pranë Santo Domingo të Kolumbisë, është bërë një qendër turistike për qytetar nga gjithë bota. Ajo ka ngritur kurreshtje për arsyen se, sipas artistit, është një mënyrë e të treguarit se jeta duhet mbrohet që nga fillimi e deri tek fundit i saj, dhe nuk ia vlen të heqni dorë nga ajo apo të bëni gabime që mund t’ua marrin jetën. Ndër të tjera, ai ka shtuar se ngasja e veturave pa kontrollë, derisa jeni nën ndikimin e alkoolit, është gabimi më i madh që do të bëni pasiqë do t’iu kushtojë me jetë juve dhe familjes tuaj. /Gazeta Shneta/