Dita Botërore e Shëndetit të Gojës e vendosur nga Federata Dentare Botërore (FDI),organizohet çdo vit më datë 20 mars. Kjo ditë synon të rrisë ndërgjegjësimin si dhe të tregojë rëndësinë e madhe që ka shëndeti oral në shëndetin e përgjithshëm.
Sot, në Ditën ndërkombëtare të Shëndetit Oral, Organizata për Arsim, Shkencë dhe Shëndetësi “KISCOMS“ , në Kosovë realizon ecjen e tretë me radhë, “Dhëmbë të shëndoshë, fëmijë të lumtur” që ka për qëllim informimin e fëmijëve-nxënësve mbi rëndësinë e shëndetit oral (shëndetit të dhëmbëve dhe të gojës).
Ndryshe, mjekët shpjegojnë se që prej moshës një vjeçare e në vazhdim çdo person duhet të kontrollojë dhëmbët dy herë në vit tek stomatologu. Kultura për higjienën orale ashtu si shumë të tjera mësohet që në vogëli, por shifrat për të paktën tre dhëmbë të prishur mesatarisht tregon se tek shqiptarët ajo mungon.