Është duke vazhduar ‘trendi’ i mungesës së penjëve kirurgjik në qendrat operative në Klinika e Spitale.
Me mungesë të penjve është duke u ballafaquar edhe Spitali i Përgjithshëm në Gjilan. Një gjë të tillë e ka konfirmuar drejtori i spitalit, Arsim Emini.
“Kemi mungesë të penjve kirurgjik në salla operative. Mungesat janë të herë pas hershme”- tha ai për Gazetën Shneta duke mos treguar detaje se cilat lloje të penjëve mungojnë.
Spitali i Gjilanit edhe më parë ka pasur munesë të të gjitha llojeve të penjve kirurgjik.
Shërbimi Spitalor Klinik Universitar është duke u ballafaqur me mungesë të penjve kirurgjik – të nevojshme për të pacientët të cilët kanë nevojë për ndërhyrje kirurgjike.
Për mungesën e penjve QKUK është arsyetuar se procedura për blerjen e tyre ka qenë në OSHP dhe vazhdon të mbetet në proces në Zyrën e Prokurimit./Gazeta Shneta/