Një studim i fundit i publikuar në JAMA Network Open tregon se medikamentet e zakonshme për uljen e kolesterolit, statinat, mund të mbrojnë funksionin mendor të pacientëve me kancer gjatë dhe pas kimioterapisë.
Hulumtimi përfshiu 238 pacientë me kancer të gjirit dhe limfomë, të cilët morën ose statina, ose placebo gjatë trajtimit dhe për 24 muaj pas tij.
Rezultatet treguan se pacientët që morën statina kishin performancë më të mirë në testet e funksioneve ekzekutive, të cilat përfshijnë aftësitë për planifikim, organizim, zgjidhje problemesh dhe menaxhim emocional, shkruan HealthDay transmeton Gazeta Shneta.
Përfitimi u ruajt deri dy vjet pas përfundimit të trajtimit.
“Ruajtja e shëndetit mendor është po aq e rëndësishme sa mbrojtja e zemrës gjatë trajtimit të kancerit,” tha drejtuesja e studimit, Pamela Jill Grizzard.
Shkencëtarët nënvizojnë se, nëse rezultatet konfirmohen nga studime të tjera, statinat mund të jenë një mjet i vlefshëm për të mbajtur funksionin kognitiv dhe cilësinë e jetës te pacientët pas kimioterapisë./Gazeta Shneta/