Një studim i madh britanik nga Queen Mary University of London ka treguar se shenjat e hershme të sklerozës multiple (MS) – si dhimbjet, ndryshimet e humorit, mpirja dhe problemet me kujtesën – mund të shfaqen vite para diagnozës dhe prekin të gjitha grupet etnike e sociale në mënyrë të ngjashme.
Analiza e të dhënave të mbi 96,000 personave, përfshirë 15,000 me MS, zbuloi se këto simptoma shfaqen deri në pesë vjet para se sëmundja të diagnostikohet, shkruan MedicalXpress transmeton Gazeta Shneta.
Studiuesit thonë se njohja e hershme e tyre mund të ndihmojë mjekët të veprojnë më shpejt dhe të fillojnë trajtimin para se të ndodhë dëmi i madh neurologjik.
MS prek mbi 150,000 persona në Britani dhe më shumë se 2 milionë në botë, dhe shpesh diagnoza vonohet.
Gjetjet e reja pritet të ndihmojnë në përmirësimin e diagnostikimit dhe trajtimit për të gjithë pacientët, pavarësisht prejardhjes së tyre./Gazeta Shneta/