Një studim i ri, i udhëhequr nga kardiologët dhe reumatologët e Johns Hopkins Medicine, tregon se përdorimi i steroideve mund të rrisë rrezikun e rikthimit të perikarditit tek pacientët me lupus, një komplikacion i zakonshëm i sëmundjes autoimune lupus sistemik (SLE). Perikarditi është inflamacion i perikardit, membranës që mbështjell dhe mbron zemrën, dhe zakonisht shkakton dhimbje në gjoks.
Ky studim i përfshiu të dhëna nga 2,931 pacientë me SLE, përfshirë 590 pacientë që kishin përjetuar perikardit. Rezultatet treguan se 20% e pacientëve me lupus që kishin përjetuar perikardit kishin një rikthim të sëmundjes, veçanërisht gjatë vitit të parë pas fillimit të perikarditit. Më shumë rrezik për rikthim kishin pacientët më të rinj dhe ata me sëmundje të pakontrolluara shkruan MedicalXpress transmeton Gazeta Shneta.
Një faktor kryesor i lidhur me rikthimin e perikarditit ishte terapia me prednizolon, një steroid i përdorur shpesh për trajtimin e inflamacionit të zemrës tek pacientët me lupus. Përdorimi i steroideve mund të rrisë rrezikun e rikthimit të perikarditit, diçka që është vërejtur edhe në popullatën e përgjithshme, por që gjithashtu është e zakonshme tek pacientët me lupus. Kështu, studimi thekson rëndësinë e minimizimit të përdorimit të steroideve oral për trajtimin e pacientëve me lupus perikardit dhe sugjeron nevojën për metoda alternative trajtimi.
Këtë studim e udhëhoqën Dr. Luigi Adamo dhe Dr. Andrea Fava nga Johns Hopkins, dhe përfshiu gjithashtu kontributet e kërkuesve të tjerë si Yoo Jin Kim, Jana Lovell, Daniel Goldman dhe Michelle Petri. Rezultatet janë publikuar në JAMA Network Open, dhe ofrojnë një udhëzim të rëndësishëm për trajtimin më të sigurt dhe më efektiv të pacientëve me lupus dhe komplikimet e tij kardiake./Gazeta Shneta/