Një studim i ri tregon se sukraloza, një ëmbëlsues pa kalori i përdorur gjerësisht, mund të ndikojë në sinjalet e trurit që lidhen me urinë, duke nxitur mbingrënien.
Studimi botuar në revistën “Nature Metabolism”, sugjeron se edhe pse sukraloza përdoret për të reduktuar kaloritë, ajo mund të ketë efekte të papritura mbi oreksin, shkruan Heath Day transmeton Gazeta Shneta.
Të paktën një në pesë të rritur në Shtetet e Bashkuara (20%) ka obezitet. Meqenëse shumë ushqime dhe pije me pak kalori reklamohen si ndihmë për humbjen e peshës, studiuesit po vlerësojnë nëse ato janë efektive në kontrollin e oreksit.
Sukraloza, aspartami dhe sakarina janë disa nga ëmbëlsuesit pa kalori më të përdorur, dhe ndërsa ndihmojnë në reduktimin e kalorigramit, efekti i tyre mbi sinjalet e urisë mbetet i diskutueshëm.
Studiuesit nga Instituti i Kërkimeve për Diabetin dhe Obezitetin në Universitetin e Kalifornisë Jugore përdorën skanime me rezonancë magnetike (MRI) për të matur qarkullimin e gjakut në hipotalamus pas konsumit të sukralozës, saharozës ose ujit.
Rritja e qarkullimit të gjakut në hipotalamus tregon një stimulim të sinjaleve të urisë.
Rezultatet treguan se sukraloza shkakton sinjale më të forta urie se saharoza ose uji, duke sugjeruar se konsumimi i saj mund të rrisë oreksin dhe të favorizojë mbingrënien.
Këto gjetje theksojnë nevojën për të kuptuar më mirë efektet e ëmbëlsuesve pa kalori në trurin dhe sjelljen ushqimore, veçanërisht për personat që përpiqen të menaxhojnë peshën. /Gazeta Shneta/