Nivelet e tepërta të stresit në çdo moment të jetës tuaj nuk janë një gjë e shëndetshme – aq më tepër kur jeni shtatzënë!
Por, duke qenë një përvojë disi e trazuar, nuk është e lehtë të shmangni gjithnjë stresin gjatë shtatzënisë shkruan First Cry Parenting përcjell Gazeta Shneta.
Me një numër gjërash për t’u kujdesur, fillimisht nga shëndeti i foshnjës tuaj të palindur e deri te shpenzimet e papritura ose dhe komplikimet e mundshme shëndetësore, është e mundur që ju të gjeni nivelet e stresit tuaj që arrijnë kulmin në një moment ose në një tjetër.
Dhe këto shpërthime të vogla stresi mund t’ju shkaktojnë juve dhe foshnjës tuaj më shumë dëm sesa mund të mendoni!
Stresi, gjatë shtatzënisë manifestohet në shumë forma, duke filluar nga dhimbjet e kokës e deri tek mbingarkesa te problemet e gjumit.
Por kjo është vetëm fillimi – nivelet e tepërta të stresit mund të çojnë në komplikime serioze, të tilla si rreziqe në rritje për lindje të parakohshme, abort spontan dhe / ose peshë të ulët të lindjes së foshnjës.
Si të siguroni një shtatzëni pa stres:
– Hani dhe flini mirë
Sigurohuni që të ndiqni një dietë të ekuilibruar mirë, të plotësuar me një sasi të shëndetshme uji çdo ditë (rekomandohet 2 – 2.5 litra ujë në ditë gjatë shtatzënisë, pasi do të pini për të dy).
– Bisedoni me dikë që i besoni
Nëse ndiheni sikur ka një problem që duhet adresuar, flisni me dikë që e dini se mund të mbështeteni. Ky person mund të jetë çdokush, nga bashkëshorti juaj te prindërit te miqtë tuaj më të mirë – kushdo që mendoni se mund t’ju ndihmojë.
– Largoni shqetësimet financiare
Shtatzënia është një përvojë e bukur, pa dyshim, por mund të jetë super sfiduese fizikisht, emocionalisht dhe të mos e harrojmë, financiarisht!
Nga testet diagnostike te ekzaminimet e skanimet me ultratinguj pastaj deri te shtrimi në spital (shumica e të cilave zakonisht nuk mbulohen nga sigurimet shëndetësore), do ta gjeni veten duke mbledhur një shumë të konsiderueshme parash vazhdimisht, dhe kjo padyshim që mund të shtojë stresi tuaj.
Bëni përpjekje të përqendroheni më shumë tek vetja dhe fëmija juaj pa u stresuar vazhdimisht për çështjet e parave!
– Ushtroni rregullisht
Ne nuk nënkuptojmë stërvitje të mundimshme, natyrisht – ushtrimi i butë duhet ta bëjë diferencën shumë mirë.
Ekzistojnë disa lloje ushtrimesh që janë krejtësisht të sigurta për t’u bërë gjatë shtatëzënësisë, qofshin not, ecje, çiklizëm i palëvizshëm, gjimnastikë me ndikim të ulët etj.
Jo vetëm që ushtrimet e rregullta do t’ju ndihmojnë të qëndroni në formë, por gjithashtu do ulin nivelin e kortizolit (i njohur gjithashtu si hormoni i stresit) në trupin tuaj.
– Mos harroni vizitat te mjeku juaj
Sigurohuni që të vizitoni rregullisht mjekun tuaj, në mënyrë që të jeni të vetëdijshëm se si po përparoni në shtatzëninë tuaj.
Takimet e rregullta mund të ndihmojnë në shqyrtimin e ndonjë ndërlikimi që nga fillimi, në mënyrë që të merren masat e duhura. /Gazeta Shneta/