Kur bëhet fjalë për shtatzëninë, ka shumë barna pa recetë që janë jashtë kufijve të përdorimit. Por, lajmi i mirë është se për shumicën e grave shtatzëna, ‘qumështi i magnezisë’ nuk është një prej tyre.
Në fakt, një studim zbuloi se laksativët si qumështi i magnezit nuk është shoqëruar me efekte të dëmshme shkruan Very Well Family përcjell Gazeta Shneta.
Edhe pse ky bari pa recetë është zakonisht i sigurt për t’u përdorur herë pas here kur jeni shtatzënë, mund të keni rrethana të veçanta në të cilat nuk rekomandohet për ju.
Vlen të ceket se qumështi i magnezit, ose hidroksidi i magnezit, është një laksativ në formë kripe që përdoret zakonisht për të trajtuar kapsllëkun.
Ky lloj i laksativit njihet të jetë me veprim të shpejtë. Në mënyrë tipike, mund të prisni që të keni një lëvizje të zorrëve brenda 30 minutave deri në gjashtë orë nga marrja e barnave.
Për të mësuar më shumë rreth komplikimeve të shtatzënisë KLIKO KËTU.
7
Hidroksidi i magnezit funksionon duke tërhequr ujë në zorrë nga indet e afërta. Nga ana tjetër, ky ujë zbut dhe lagështon jashtëqitjen tuaj dhe ndihmon që mbetjet të lëvizin nga zorrët tuaja.
Konstipacioni është i zakonshëm në gratë shtatzëna. Në fakt, rreth 38% e grave shtatzëna do të kenë vështirësi në lëvizjet e zorrëve.
Pjesa më e madhe e këtij fenomeni mund t’i atribuohet ndryshimit të niveleve të progesteronit dhe rritjes së përthithjes së ujit të zorrëve që shkakton tharjen e jashtëqitjes tuaj.
Shtojini kësaj faktin që gratë shtatzëna marrin nivele më të larta të vitaminave dhe shpesh nuk lëvizin aq shumë, dhe mund të kuptoni pse gratë shtatzëna janë të prirura për kapsllëk.
Por, nuk duhet të vuani në heshtje. Pasi të keni marrë miratimin e mjekut tuaj, përdorni hidroksidin e magnezit.
Gjithashtu, sigurohuni që të pini shumë ujë gjatë marrjes së barnave dhe të bisedoni me mjekun tuaj për rrezikun e pabarazive të elektrolitëve. /Gazeta Shneta/