Tre nga format e trajtimit të kancerit të gjirit që duhet t’i dini

2020-10-28 në ora 13:20

Kanceri i gjirit është një tumor që fillon në gji dhe zakonisht prek më shumë gjininë femërore, afërsisht 12% të grave.Ndonëse, kanceri i gjirit është i rrallë tek burrat, sëmundja mund t’i prek edhe ata.

Egziston një numër i nëntipeve të kancerit të gjirit, të cilat disa mund të mbeten të vogla dhe të rriten ngadalë, kurse të tjerat përhapen shpejt në rajone të tjera të trupit, kështu duke shkaktuar komplikime për jetë shkruan VeryWellFamily, transmeton GazetaShneta.

Mësoni më shumë rreth komplikimeve gjatë shtatzënisë KËTU

Trajtimi

Në vitet e fundit, trajtimet për kancerin e gjirit janë përmirësuar me kalimin e kohës.Disa nga trajtimet e kancerit të gjirit si rrezatimi apo ndërhyrja kirurgjike kanë për qëllim largimin e tumorit nga trupi i tyre, kurse kimioterapia, terapia hormonale përdoren për të shkatërruar qelizat e kancerit në gjithë trupin.

Zgjedhja e një ose më shumë trajtimeve të kancerit të gjirit varet nga disa faktorë, duke përfshirë llojin e kancerit të gjirit që keni dhe në cilën fazë të tij jeni.

Ndërhyrja kirurgjike

Sa më herët që të identifikoni fazat e kancerit të gjirit, aq më shumë gjasat që të keni një operacion të suksesshëm janë.Shkalla e përhapjes së kancerit të gjirit është ajo që tregon kryesisht se cila nga ndërhyrjet e mëposhtme realizohet.

-Lympektomia: Referohet si operacion për ruajtjen e gjirit, ajo kryesisht largon tumorin dhe është e zakonshme përdorimi i saj në fazat e hershme.Në shumë raste, lympektomia ndjeket dhe me rrezatim.

-Mastektomia: Përfshihet heqja e gjithë gjirit, ndërsa largimi i dy gjinjëve quhet mastektomi e dyfishtë.Në këtë rast, rrezatimi nuk është aq i nevojshëm sa është për lympektominë.

Terapia rrezatuese

Ndryshe e njohur edhe si radioterapi, përfshin rrezatim jonizues për të shkatërruar qelizat kancerogjene.Kjo mënyrë përdoret në raste shume specifike.

Kimioterapia

Kimioterapia është një trajtim sistemik që përfshin përdorimin e ilaçeve për të larguar qelizat kancerogjene.Jo të gjithë pacientët kanë nevojë për kimioterapi, kjo varësisht rekomandimeve të mjekut tuaj./GazetaShneta/