Dhënia e përzierjes së paracetamolit dhe ibuprofenit fëmijëve të vegjël për t’ua ulur temperaturën mund të zgjasë sëmundjen, paralajmërojnë mjekët.
Ata konsiderojnë që shoqëritë moderne me përparimin e shkencës kanë krijuar fobi edhe nga temperatura e lehtë e shkaktuar nga sëmundjet, transmeton Gazeta Shneta.
Gjithnjë e më shumë ka raste të dozave të tepruara të ilaçeve, të cilat u jepen fëmijëve, efektet anësore të të cilave janë diarreja dhe të vjellat.
Shoqata amerikane e mjekëve pediatër ka publikuar raportin në të cilin theksohet që temperatura e lehtë është shenjë që organizmi është duke luftuar me sëmundjen dhe kjo nuk mund ta rrezikojë shëndetin e fëmijës. Temperaturë e lehtë konsiderohet ajo deri rreth 37,6°C.
Paralajmërim prindërve
Ky mekanizëm i organizmit në fakt është i dobishëm, por rreth gjysma e prindërve nuk janë të vetëdijshëm për këtë gjë”, ka deklaruar autorja e raportit, dr. Janice Sullivan.
Çdo ilaç ka efekte anësore, ndërsa hulumtimet e mëhershme kanë lidhur marrjen e rregullt të paracetamolit tek fëmijët me rrezikun më të madh të paraqitjes së astmës, ndërsa abuzimi me ibuprofren shkakton shfaqjen e ulcerës në stomak dhe dëmtime të funksionimit të veshkave. /Gazeta Shneta/