Një studim i ri ka zbuluar një lidhje të fortë midis konsumit të ushqimeve ultra të përpunuara dhe rrezikut të sëmundjeve serioze, duke përfshirë rrezikun e vdekjes së hershme dhe zhvillimin e sëmundjeve kardiovaskulare dhe mendore.
Sipas studimit, ngrënia e ushqimeve ultra të përpunuara rrit rrezikun e sëmundjeve të ndryshme si obeziteti, diabeti i tipit 2, çrregullimet e gjumit, dhe depresioni. Po ashtu, studimi lidh konsumin e këtyre ushqimeve me rritjen e rrezikut të sëmundjeve kardiovaskulare dhe mendore, shkruan Health, transmeton Gazeta Shneta.
Autorja kryesore e studimit, Dr. Melissa Lane, shpreh se konsumi i lartë i ushqimeve ultra të përpunuara lidhet me një rritje prej 50% në rrezikun e vdekjes së lidhur me sëmundjet kardiovaskulare dhe mendore.
Studimi, i cili u botua në revistën The BMJ, sugjeron që marrja e këtyre ushqimeve duhet të kufizohet për të reduktuar rrezikun për shëndetin. Në këtë kohë kur shëndeti është prioritet, identifikimi dhe kufizimi i marrjes së ushqimeve ultra të përpunuara bëhet thelbësore për mbrojtjen e shëndetit dhe mirëqenies së përgjithshme.
Studimi nxit një qasje më të kritikë ndaj ushqimeve ultra të përpunuara dhe nënvizon rëndësinë e një diete të shëndetshme dhe të balancuar për mbrojtjen e shëndetit të gjithë individëve./Gazeta Shneta/