Faqja ‘Udhëzime pa kritere’ ka denoncuar një letër analizash nga një mjek kosovar, emri i të cilit është fshirë.
Mjeku në fjalë i ka dhënë një pacienteje të bëj plot 97 analiza, sikurse shihet edhe nga fleta që pacientja posedon ku shumica e analizave janë të nënvizuara nga mjeku, shkruan Gazeta Shneta.
Për më tepër, pacientës i është kërkuar edhe analiza fosfataza prostatike, që tek femrat nuk realizohet por vetëm te meshkujt.
Rastin e ka denoncuar edhe Shoqata e Biokimistëve Klinik të Kosovës që ka shpërndarë postimin e faqës së lartpërmendur.
Postimi i plotë:
“Edhe një udhëzim pa kriter por skandaloz
Një ndjekës tjetër i faqes udhëzime pa kritere ka dërguar një foto-dokument të udhëzimit për analiza në të cilin shihen skandale mbi skandale. Ndjekësi më tej e sqaron edhe udhëzimin.
Nga mjeku kërkohen 97 analiza si dhe kërkohen analiza si fosfataza prostatike ndërsa pacienti është femër(pra femrat nuk kanë prostatë)
Mund t’i shihni parametrat që kërkohen për një pacient që udhëzohet në Klinikën e Biokimisë Mjekësore në QKUK dhe nuk mendohet materiali që shpenzohet pastaj per pacientët që njëmend kanë nevoj për analiza.
Këtu janë kërkuar shumë analiza duke peërfshirë edhe drogat, barnat, troponina, sifilisi, e edhe fosfataza prostatike ku nga dokumenti udhëzues kuptohet që pacienti është femër dhe nuk ka prostatë!
Gjithsej janë kërkuar 97 analiza!”