Hulumtuesit nga Instituti i Kërkimeve të Murdoch Children’s (MCRI) kanë zhvilluar një vaksinë që siguron mbrojtje të hershme nga diarreja për foshnjat dhe fëmijët e vegjël.
Diarreja është një nga shkaqet kryesore të sëmundjes dhe vdekjes së fëmijëve, si dhe rotavirusi është shkaku më i zakonshëm i diarresë të rëndë. Por vaksinimi i ri i mbron nga këto dy gjendje shëndetësore, transmeton Gazeta Shneta.
Një provë e parë klinike e vaksinës RV3-BB u krye në Indonezi dhe vaksina u administrua në foshnje menjëherë pas lindjes.
Vaksinat aktuale të rotavirusit mund të administrohen vetëm për fëmijët që kanë mbushur më shumë se gjashtë javë, gjë që lë të porsalindurit veçanërisht të ndjeshëm ndaj infeksionit të rotavirusit.
Globalisht rotavirusi shkakton afërsisht 215,000 vdekje në fëmijët nën pesë vjet dhe vaksina e re mund të ulë ndjeshëm këtë shifër.
Hulumtimet e publikuara në New England Journal of Medicine zbuluan se pas tri dozave të RV3-BB të administruara nga lindja, 94 për qind e foshnjave u mbrojtën në vitin e tyre të parë të jetës dhe 75 për qind e foshnjave deri në moshën 18 muaj kundër gastroenteriteve të rënda rotavirusale.
Vaksina jepet në mënyrë orale./Gazeta Shneta/