Meqenëse përhapja e fruthit ka qenë e vrullshme së fundmi në vendet fqinje si Shqipëria, ka ndodhur edhe frekuentimi i shpeshtë i qendrave mjekësore me qëllim të vaksinimit të foshnjeve.
Gjithsesi, rebecca Madan, specialiste e sëmundjeve infektive tek foshnjat, pjesë e stafit mjekësor të Spitalit të Fëmijëve në Nju Jork, ka dhënë 5 këshilla të rëndësishme që prindërit duhet t’i dinë në lidhje me vaksinimin, transmeton portali Per Nenat.
Përditësimi i vaksinave
Prindërit duhet të informohen mbi versionet më të fundit të vaksinave, të cilat mund të jenë më pak të dhimbshme, parandalojnë numër më të madh sëmundjesh etj.
Nuk ka asnjë arsye për ta lënë vaksinën për më vonë
Është e zakonshme që nga frika, prindërit ta shtyjnë vaksinën e fëmijës për një moment të dytë. Por mjekja Madan shpjegon se diçka e tillë ka pasoja. “Duke pritur nuk e bëni vaksinimin më të sigurt. Ju thjesht po zgjasni kohën kur fëmija juaj është më i ndjeshëm dhe i pambrojtur ndaj sëmundjeve”, – shpjegon ajo.
Çdo anëtar i familjes duhet të vaksinohet
Vaksinimi i fëmijëve është parësor, por ka disa raste kur do të ishte shumë mirë të vaksinohej e gjithë familja, sidomos nëse do të udhëtoni të gjtihë bashkë jashtë shtetit.
Rreziqet nga mosvaksinimi janë më të mëdha se çdo rrezik nga vaksina
Dr. Madan dëshiron që prindërit të dinë se vaksinat janë studiuar gjerësisht dhe çdo rrezik që paraqesin është shumë më i vogël se ekspozimi ndaj një sëmundje potencialisht vdekjeprurëse.
Menjëherë telefononi mjekun tuaj nëse dyshoni se ndonjë anëtar i familjes suaj është ekzpozuar ndaj fruthit dhe mund të sëmuret.