Vaksinat kundër gripit dhe Covid-19 mund të merren në të njejtën kohë, tregon studimi

2021-10-01 në ora 18:37

Po, është e sigurt të merrni vaksinën kundër Covid, dhe njëkohësisht edhe vaksinën kundër gripit, tregon studimi britanez.

Britania dhe shumë vende tjera po përgaditen për mundësinë e rritjes së numrit të rasteve nga gripi, dhe poashtu edhe të infektimit me Covid shkruan Reuters, transmeton Gazeta Shneta.

Mësoni më shumë rreth komplikimeve të shtatzënisë duke lexuar më shumë KËTU

Aktualisht, dozat përforcuese të Covid janë duke u administruar tek të moshuarit dhe personat me kushte shëndetësore në Britani.

Ndërkohë që, procesi i vaksinimit kundër Covid po vazhdon, qeveria ka premtuar gjithashtu edhe programin për imunizim kundër gripit.

Por, a është e sigurt marrja e vaksinave kundër Covid dhe gripit, në të njejtën kohë?

Studimi i udhëhequr nga Universiteti i Bristol ka treguar se mund të lejohet administrimi i vaksinës kundër Covid nga Pfizer apo AstraZeneca dhe gripit në të njejtën kohë.

Sipas studimit, dozat e vaksinave u administruan në të njejtën ditë, mirëpo në krahë të kundërt.

Studiuesit treguan se efektet anësore ishin zakonisht të lehta deri të moderuara.

Ky studim përfshiu 679 vullnetarë dhe pritet të botohet në revistën Lancet.

Deri më tani, rezultatet e këtij studimi janë paraqitur Komitetit të Përbashkët për Vaksinim dhe Imunizimin (JCVI)./Gazeta Shneta/